2030 წლის მსოფლიო ჩემპიონატზე ლიონელ მესისა და კრიშტიანუ რონალდუს თამაში ნაკლებადაა მოსალოდნელი.
ამის შესახებ საფრანგეთის ნაკრებისა და მანჩესტერ იუნაიტედის ყოფილმა მცველმა, მიქაელ სილვესტრმა განაცხადა.
სილვესტრის თქმით, 2030 წლის მუნდიალისთვის რონალდუ 45 წლის იქნება, ხოლო მესი 43-ის, რაც თანამედროვე ფეხბურთის ფიზიკური დატვირთვებიდან გამომდინარე, სანაკრებო დონეზე თამაშს თითქმის შეუძლებელს ხდის.
სილვესტრმა აღნიშნა, რომ ფეხბურთელებმა თავიანთ მემკვიდრეობაზე უნდა იფიქრონ, რადგან ამ ასაკში მსოფლიო ჩემპიონატზე თამაში სპორტული კუთხით ლოგიკას მოკლებულია. თუმცა, ფრანგის აზრით, საკლუბო დონეზე ლეგენდები თამაშს კვლავ გააგრძელებენ, რადგან ფეხბურთზე უზომოდ არიან შეყვარებულები და ტიტულების მოგება ისევ სურთ.
როგორ შეხვდნენ ვარსკვლავები 2026 წლის მუნდიალს?
კრიშტიანუ რონალდუმ პორტუგალიის ნაკრების მერვედფინალში ესპანეთთან დამარცხების შემდეგ განაცხადა, რომ ეს მისი ბოლო მსოფლიო ჩემპიონატი იყო. თუმცა, პორტუგალიელ ვარსკვლავს ალ-ნასრთან მოქმედი კონტრაქტი აკავშირებს და ეროვნული ნაკრების მწვრთნელი, ჟორჟე ჟესუსი ევრო 2028-ზე მისი თამაშის კარს ღიად ტოვებს.
ლიონელ მესი არგენტინის ნაკრებთან ერთად ფინალში ესპანეთთან დამარცხდა. მესის ინტერ მაიამისთან კონტრაქტი 2028 წლამდე აქვს გაფორმებული და საკლუბო დონეზე ასპარეზობას ჩვეულ რეჟიმში აგრძელებს.
