როგორ შეაფასა ფენომენომ არგენტინის მარცხი?

2002 წლის მსოფლიო ჩემპიონმა და ბრაზილიის ლეგენდამ, რონალდო ნაზარიომ მსოფლიო ჩემპიონატის ფინალზე ისაუბრა.

ესპანეთმა არგენტინა დამატებით დროში, ფერან ტორესის გოლით 1:0 დაამარცხა. მიუხედავად იმისა, რომ ანგარიშში განსხვავება მინიმალური იყო, ლეგენდარულმა ბრაზილიელმა აღნიშნა, რომ ესპანეთმა მოედანზე სრული დომინირება აჩვენა.

ინტერვიუში რონალდომ განაცხადა, რომ თამაში ესპანეთის სრული უპირატესობით მიმდინარეობდა. მისი თქმით, ესპანეთის ნაკრების ტაქტიკურმა სიმწიფემ აჩვენა, რომ გუნდური თამაში ინდივიდუალურ ოსტატობაზე მაღლა დგას და ლიონელ მესის გამოჩენამაც კი ვერ შეძლო თამაშის სცენარის შეცვლა.

ბრაზილიელმა ლეგენდამ თავისი ქვეყნის ნაკრების სათამაშო სტილიც გააკრიტიკა და ის ესპანეთს შეადარა. რონალდოს თქმით, განსხვავებით ბრაზილიისგან, რომელიც ჯერ კიდევ ძველებურ ფეხბურთშია ჩარჩენილი, ესპანეთს უნიკალური სათამაშო სტილი აქვს და ბურთის მუდმივი კონტროლი საუკეთესო სტრატეგიაა.