ჯოკოვიჩმა ბრისბენის ტურნირზე გამოსვლა 1/4 ფინალში დაასრულა

სეზონის პირველი ტურნირის, ბრისბენის 1/4 ფინალში ტურნირის პირველ ნომრად განთესილი ნოვაკ ჯოკოვიჩი ამერიკელ გიგანტ რაიან ოპელკასთან დამარცხდა.

შეხვედრა 1 საათსა და 41 წუთს გაგრძელდა და ოპელკას გამარჯვებით 7:6 (6) 6:3 დასრულდა. 

მთელ მატჩში ნოვაკს მეტოქის მოწოდების მოგების 1 შანსი ჰქონდა, თუმცა მისი გამოყენება ვერ მოახერხა. თავის მხრივ, ოპელკამ ნოვაკის მოწოდება 5 შანსიდან 1-ხელ მოიგო, რაც მისთვის მე-2 სეტის მოსაგებად საკმარისი აღმოჩნდა.

შემდეგი ტურნირი ნოვაკისთვის უკვე ავსტრალიის ღია პირველობა იქნება, რომელიც 13 იანვარს დაიწყება და 27-მდე გაგრძელდება.