რეალის ნახევარმცველმა, ედუარდო კამავინგამ, ჩემპიონთა ლიგის მეოთხედფინალში ბაიერნთან მიღებული წითელი ბარათის გამო საჯაროდ ბოდიში მოიხადა.
შეგახსენებთ, რომ მატჩის 86-ე წუთზე კამავინგამ ჰარი კეინზე იუხეშა, რის შემდეგაც მეტოქეს ბურთი მაშინვე არ დაუბრუნა, რის გამოც სლავკო ვინჩიჩმა მას მეორე ყვითელი ბარათი უჩვენა.
ამ ეპიზოდიდან მალევე ბაიერნმა ორი გოლის გატანა მოახერხა და რეალი ტურნირს გამოეთიშა.
ფეხბურთელმა სოციალურ ქსელში ემოციური პოსტი გამოაქვეყნა:
ჩემს ქმედებებზე სრულ პასუხისმგებლობას ვიღებ. მინდა ბოდიში მოვუხადო ჩემს გუნდს და ყველა მადრიდისტას. მადლობა მხარდაჭერისთვის. გაუმარჯოს მადრიდს, ყოველთვის!
