მადრიდის რეალის ლეგენდამ, მარსელომ, თავისი საყვარელი მწვრთნელები დაასახელა.
- რატომ მუშაობენ ზიდანის ტიპის მწვრთნელები რეალში უკეთ, ვიდრე ტაქტიკური სპეციალისტები, როგორიც ბენიტესია?
არ ვიცი, სიმართლე გითხრათ მე ბენიტესსაც კარგად ვეწყობოდი და მისგან ბევრი რამ ვისწავლე. ვფიქრობ, ისინი განსხვავებული მწვრთნელები არიან, საკუთარი ფილოსოფიით.
- ბევრი შესანიშნავი მწვრთნელი გყავდათ. საყვარელი თუ არის რომელიმე?
ო, ასე არჩევა შეუძლებელია. მე ყველასგან ვსწავლობდი, კაპელოსგანაც კი, რომელიც არც ისე ხშირად მათამაშებდა, თუმცა ბავშვობიდან კარგად მაქვს გააზრებული, რომ ის ძალიან დამეხმარა.
ვფიქრობ, ყველასგან უნდა ისწავლო რაღაც, მაგრამ ყველაზე მეტი დრო ზიდანთან და ანჩელოტისთან გავატარე და ორივესთან ბრწყინვალე ურთიერთობა ჩამომიყალიბდა. ზიდანთან დიდებული მოგონებები მაკავშირებს, ისევე, როგორც კარლოსთან.
თუმცა, სხვა კარგი მწვრთნელებიც მყავდა, მაგალითად ხუანდე რამოსი, რომელიც ძალიან დამეხმარა... ასევე პელეგრინიც. ყველა მწვრთნელს აქვს თავისი განსაკუთრებულობა.
