კარვახალი: "თუ რეალს დავტოვებ, ევროპაში არ ვითამაშებ"

მადრიდის რეალის მარჯვენა მცველმა, დანი კარვახალმა Esquire-სთან საკუთარ მომავალზე ისაუბრა.

"თუ ოდესმე რეალს დავტოვებ, ევროპაში არ ვითამაშებ. მე რეალის წინააღმდეგ ჩემპიონთა ლიგაზე ან ესპანეთში არ ვიასპარეზებ. 

ხოსელუმ მითხრა, რომ ის იქ მელოდება და ჩემთვის მარჯვენა მცველის ადგილი შენახული აქვს." - განაცხადა ესპანელმა.

მუხლის მძიმე ტრავმის მიღების შემდეგ რეალმა კარვახალს კონტრაქტი 2026 წლის ივნისამდე გაუხანგრძლივა.

ხოსელუ კი, როგორც ჩანს, საკუთარ ქვისლს კატარულ ალ-გარაფაში ეპატიჟება, სადაც ის მადრიდის რეალიდან გადავიდა.