ხეცურიანმა მსოფლიო თასზე ოქროს მედალი მოიპოვა

იტალიის ქალაქ პიზაში ეტლით მოფარიკავეთა მსოფლიო თასი მიმდინარეობს.

საქართველოს ქალთა ნაკრებიდან ასპარეზობა დაიწყო ირმა ხეცურიანმა, რომელმაც რაპირით ფარიკაობაში ოქროს მედალი მოიპოვა.

ქართველი შეჯიბრში 1/2 ფინალიდან ჩაერთო და ბელარუსი მეტოქე, ალესია ილმინსკაია 15-7 დაამარცხა. ფინალში კი ხეცურიანმა უკრაინელ ნადია დოლოჰს სძლია 15-13.

პიზაში ხეცურიანთან ერთად ხმლით ფარიკაობაში საქართველოს სახელით ნინა თიბილაშვილი, გვანცა ზადიშვილი და მარიამ კლდიაშვილიც წარსდგებიან.