კიტეიშვილი მიქაუტაძესთან? - მეცი შტურმს დაუკავშირდა

შესაძლოა ლიგა 1-ში მეორე ქართველი ვიხილოთ, თანაც ორივე ერთ გუნდში.

 

ფრანგული L'Equipe-ს ცნობით გიორგი მიქაუტაძის მეცი ათიანს ეძებს და ვარიანტად ოთარ კიტეიშვილს განიხილავს.

 

წყაროს ცნობით ფრანგები უკვე დაუკავშირდნენ გრაცის შტურმს ქართველი ნახევარმცველის თაობაზე.

 

27 წლის კიტეიშვილს ავსტრიულ კლუბთან კონტრაქტი კიდევ 6 თვე აკავშირებს და თავისუფალი აგენტი ხდება.

 

ქართველმა ფეხბურთელმა მიმდინარე სეზონში ავსტრიის ჩემპიონატში 3 გოლი და 3 საგოლე გადაცემა დააგროვა, ერთი ასისტი კი ევროპა ლიგაზეც ატალანტასთან შემოგვთავაზა.

 

ასე რომ, შესაძლოა საფრანგეთის ლიგა 1-ში მალე ქართული დუეტი ვიხილოთ.