კონკაკაფის ფინალში გატანილი გოლი რაულ ხიმენესმა დიოგუ ჟოტას მიუძღვნა

რაულ ხიმენესმა კონკაკაფის თასის ფინალში გატანილი გოლი დიოგუ ჟოტას მიუძღვნა.

მექსიკის ნაკრებმა ფინალში აშშ 2:1 დაამარცხა და სარეკორდო მე-10 ტიტული მოიგო.

ხიმენესმა გოლის გატანა 27-ე წუთზე მოახერხა, რის შემდეგაც მინდორზე დაჯდა და ხელში გეიმპადის ჭერის იმიტაცია გააკეთა - ასე აღნიშნავდა თავის გოლებს დიოგუ ჟოტა.

გარდა ამისა, მექსიკელმა დიოგუ ჟოტას 20-ნომრიანი მაისურიც გაფინა მინდორზე.

რაულ ხიმენესი და დიოგუ ჟოტა 2018-2020 წლებში ვულვერჰემპტონში თამაშობდნენ.

„ერთად ულამაზესი მომენტები გადავიტანეთ." - აღნიშნა ფულემის ფორვარდმა.