კვარაცხელია: "ვიცით, რომ სკუდეტოს მოგება კიდევ ერთხელ შეგვიძლია"

მილანთან გასვლაზე 0-2 გამარჯვების შემდეგ ხვიჩა კვარაცხელიამ კომენტარი გააკეთა.

კვარაცხელიამ მილანს პირველად გაუტანა გოლი, თანაც სან სიროზე.

"მე ამაზე ვმუშაობდი, გუნდმა ძლიერი მენტალიტეტი აჩვენა და ვფიქრო, გამარჯვება დავიმსახურეთ. ყველანი ბედნიერები ვართ."

როცა ნაპოლიმ ბოლოს მილანი სან სიროზე დაამარცხა 2022 წელს, გუნდმა სერია ა მოიგო, ქართველს ამაზეც ჰკითხეს.

"რა თქმა უნდა, ჩვენ გვყავს გუნდი, რომელიც ფიქრობს, რომ ყველაფერი ძალიან კარგად მიდის და ასე უნდა გავაგრძელოთ. ვიცით, რომ სკუდეტოს მოგება კიდევ ერთხელ შეგვიძლია."

ეს კვარაცხელიას მე-3 სეზონია ნაპოლიში. ხვიჩას ჰკითხეს თუ რა უთხრა ლუკაკუს, როცა ინტერისა და რომას ყოფილი თავდამსხმელი ახალ გუნდში გადმოვიდა.

"მას ვუთხარი, რომ ნაპოლის დიდებული გულშემატკივრები ჰყავს, მაგრამ მან უკვე იცოდა ნაპოლი, როგორც საფეხბურთო ქალაქი და ის ამისგან სიამოვნებას იყებს. ის კარგი ადამიანი, ძალიან თავმდაბალი, ვიცით, რომ ის ამ გუნდის ერთ-ერთი ლიდერია. კარგი ტიპია, დიდებული მოთამაშე და ეს ყველამ იცის." - უთხრა ქართველმა DAZN-ს.

ხვიჩა კვარაცხელია სერია ა-ს ოფიციალური ვერსიით მილანთან მატჩის საუკეთესო მოთამაშედ დასახელდა.

კვარას მე-100 მატჩი და პირველი გოლი მილანთან - ნაპოლიმ სან სიროზე იმარჯვა