ლა ლიგაში თვის მწვრთნელად სიმეონე დასახელდა

ლა ლიგაში დეკემბრის თვის საუკეთესო მწვრთნელად მადრიდის ატლეტიკოს თავკაცი, დიეგო სიმეონე დასახელდა.

ამ თვეში როხიბლანკომ ესპანეთის ჩემპიონატში 4 მატჩი ჩაატარა და ყველა მათგანი მოიგო.

მადრიდელებმა ვალიადოლიდი (0-5), სევილია (4-3), ხეტაფე (1-0) და ბარსელონა (1-2) დაამარცხეს.

სიმეონეს გუნდი 18 მატჩის შემდეგ 41 ქულით სატურნირო ცხრილს სათავეში უდგას.