ლარნეს მწვრთნელმა იბერიას თამაში დააკნინა

ლარნეს მთავარმა მწვრთნელმა, გარი ჰევერონმა, იბერია 1999-სთან მატჩის შემდეგ, შეფასებები გააკეთა.

"მოუთმენლად ველი საპასუხო თამაშის დაწყებას. მათ სტადიონზე გავდივართ და თუ შემდეგ ეტაპზე გასვლას ვაპირებთ, ამის გაკეთება რთული გზით მოგვიწევს.

ვფიქრობ, პირველ ტაიმში შესანიშნავად ვითამაშეთ და ყველა საგოლე შანსი ჩვენ შევქმენით და ჩვენივე ბრალია, რომ ისინი ვერ გამოვიყენეთ.

პერიოდულად სრულად ვდომინირებდით. ცხადია, მათ ძალიან კარგი გუნდი ჰყავთ, მაგრამ ჩვენ ძალიან, ძალიან კარგები ვიყავით.

მეორე ტაიმი ძალიან კარგად დავიწყეთ, მაგრამ შუაში ცოტათი დავკარგეთ გზა, მაგრამ, ვფიქრობ, რომ ბიჭები დასაწყისიდან ბოლომდე შესანიშნავები იყვნენ.

ამ თამაშიდან დიდი თავდაჯერებულობა მივიღეთ, ერთადერთი იმედგაცრუება ისაა, რომ გამარჯვება ვერ მოვიპოვეთ", - აღნიშნა ჰევერონმა BBC Sport NI-სთან საუბრისას.

ლარნემ იბერიას 1967 გულშემატკივრის თვალწინ უმასპინძლა და 0:0 ითამაშა. გუნდები 11 აგვისტოს, მიხეილ მესხის სახელობის სტადიონზე დაუპირისპირდებიან და შემდეგ ეტაპზე გამსვლელს გაარკვევენ.

წყვილში გამარჯვებული ევროპა ლიგის საკვალიფიკაციო ეტაპის პლეი-ოფში შოტლანდიურ რეინჯერსსა და პოლონურ იაგელონიას შორის გამარჯვებულს შეხვდება, ხოლო დამარცხებული - კონფერენს ლიგის საკვალიფიკაციოს პლეი-ოფში გიბრალტარულ ლინკოლნსა და კვიპროსულ ომონიას შორის დამარცხებულს.