ლაშა გურული 1/2 ფინალშია

პარიზის 2024 წლის ოლიმპიადაზე კრივში -63.5 კგ. წონით კატეგორიაში საქართველოს სახელით ლაშა გურული ასპარეზობს.

ქართველი სპორტსმენი 1/4 ფინალში ყაზახ ბაზარბაი უულუ მუხამედსაბირს დაუპირისპირდა. ბრძოლის გამარჯვებული მსაჯთა გაყოფილი გადაწყვეტილებით გამოვლინდა, 1/2 ფინალში კი სწორედ ლაშა გურული გავიდა.

ქართველმა მოკრივემ ამ გამარჯვებით ბრინჯაოს მედალი გაინაღდა, 4 აგვისტოს კი ის ფინალში გასასვლელად იბრძოლებს.

გურულის მეტოქე კუბელი ერისლანდი ალვარეს ბორხესი იქნება.

გურულმა საქართველოს დელეგაციას მე-4 მედალი გაუნაღდა, რა სინჯის იქნება ეს მედალი, ამას მოგვიანებით გავიგებთ.