რაფაელ ლეაუმ სოციალურ ქსელ X-ში მკაცრად უარყო მის შესახებ გავრცელებული ინფორმაცია.
საუბარია ცნობებზე, რომელთა მიხედვითაც, მილანის მთავარ მწვრთნელს, რუბენ ამორიმს პორტუგალიელი ფეხბურთელის გაყიდვა სურს, რადგან მას „სპორტსმენის არასწორ დამოკიდებულებასა და ნეგატიურ გავლენას“ აბრალებს.
„გაზეტა დელო სპორტზე“ დაყრდნობით გავრცელებულ პოსტზე, სადაც ნათქვამი იყო, რომ ამორიმი ლეაუს გუნდისთვის პრობლემად მიიჩნევს, ფეხბურთელმა მწვავედ უპასუხა: „იქნებ თავად ხართ პრობლემა, რადგან იტყუებით“ (Maybe you’re because you lying 😂😂😂).
მიმდინარე სატრანსფერო პერიოდში მილანის შეტევის ლიდერი, რომლის გარშემოც არაერთი დაძაბული სიტუაცია შეიქმნა, კლუბიდან წასვლის კანდიდატთა შორის მაინც სახელდება.
