ლიგაზე გატანილი გოლებით მბაპემ ტიერი ანრი ჩამოიტოვა

კილიან მბაპე ჩემპიონთა ლიგაზე ყველა დროის მე-2 საუკეთესო ფრანგი ბომბარდირი გახდა.

ზალცბურგთან გატანილი გოლი მბაპესთვის ლიგაზე 51-ე აღმოჩნდა და მან ამ მაჩვენებლით ლეგენდარული ტიერი ანრი მოიტოვა უკან.

არსენალის და ბარსელონას ექს-ფორვარდს ყველაზე პრესტიჟულ საკლუბო ტურნირზე 50 გოლი აქვს გატანილი და ამიერიდან საუკეთესო ფრანგ ბომბარდირებში მეორედან მესამე პოზიციაზე გადაინაცვლა.

ერთადერთი ფრანგი, რომელიც ამ მომენტისთვის მბაპეს უსწრებს - კარიმ ბენზემაა. რეალის ექს-კაპიტანს ლიგაზე 90 გოლი აქვს გატანილი.