მბაპეს პირველი ჰეთ-ტრიკი რეალის მაისურით - სამეფო კლუბმა ლა ლიგაში ლიდერობა გაიმყარა

ლა ლიგის 21-ე ტურში მადრიდის რეალმა სტუმრად ვალიადოლიდი გაანადგურა.

შეხვედრა სამეფო კლუბის გამარჯვებით 3:0 დასრულდა.

სამივე გოლი რეალის რიგებში კილიან მბაპემ გაიტანა, რომელმაც 30-ე წუთზე ანგარიში ბელინგემის პასით გახსნა, 57-ზე როდრიგოს ასისტის შემდეგ შეძლო მეტოქის კარის აღება, მატჩის მიწურულს კი დანიშნული თერთმეტმეტრიანი იდეალურად შეასრულა და რეალის მაისურით პირველი ჰეთ-ტრიკი გაიფორმა.

90-ე წუთზე, საჯარიმოში ბელინგემზე დაჯარიმების გამო, ვალიადოლიდის ფეხბურთელმა მე-2 ყვითელი ბარათი მიიღო და მოედანი ნაადრევად დატოვა.

რეალმა ატლეტიკოს ფეხის დაცდენით ისარგებლა, 21 მატჩის შედეგად 49 ქულა დააგროვა და სატურნირო ცხრილში ლიდერობა +4 ქულით გაიმყარა. მესამე ადგილზე ბარსელონაა 39 ქულით, რომელიც თავის მატჩს მოგვიანებით, ვალენსიასთან გამართავს.