კარგი შანსი რეალს - ატლეტიკომ ქულები ზედიზედ მეორედ დაკარგა

ლა ლიგის 21-ე ტურში ატლეტიკო მადრიდმა საკუთარ კედლებში ვილიარეალს ვერ მოუგო.

მატჩი ვანდა მეტროპოლიტანოზე გაიმართა და ფრედ 1:1 დასრულდა.

29-ე წუთზე ყვითელი წყალქვეშა ნავი წინ ხერარდ მორენოს პენალტით გავიდა და ტაიმიც მოიგო.

შესვენების შემდეგ ატლეტიკომ მეტოქეზე ზეწოლა გააძლიერა და ანგარიშის გათანაბრება 58-ე წუთზე შეცვლაზე შემოსულმა ლინომ მოახერხა.

ატლეტიკომ ლა ლიგაში ლეგანესთან მარცხის შემდეგ ზედიზედ მე-2 მატჩი ვერ მოიგო, 45 ქულა დააგროვა და ლიდერ მადრიდის რეალს სხვაობის 4 ქულამდე გაზრდის შანსი მისცა.