ლივერპული შეუჩერებელია - წლის ფანტასტიკური დასასრული

ინგლისის პრემიერ ლიგის მე-19 ტურში ვესტ ჰემმა ლონდონში ლივერპულს უმასპინძლა.

მერსისაიდელებმა თამაშის ბედი პირველივე ტაიმში გადაწყვიტეს. 30-ე წუთზე ანგარიში ლუის დიასმა გახსნა.

მე-40 წუთზე მოჰამედ სალაჰის ბრწყინვალე თამაშისა და საგოლე პასის შემდეგ კოდი გაკპომ გაზარდა სხვაობა ორამდე, 44-ე წუთზე კი თავად ეგვიპტელმაც გაიტანა გოლი და პირველი ტაიმი ლივერპულმა 0-3 მოიგო.

შეხვედრის მეორე ნახევარში სლოტის გუნდმა კიდევ გაიტანა 2 გოლი. 54-ე წუთზე ტრენტ ალექსანდერ-არნოლდმა გახადა ანგარიში 0-4.

84-ე წუთზე კი მატჩს წერტილი დიოგუ ჟოტამ დაუსვა და ლივერპულმა ვესტ ჰემი 0-5 გაანადგურა.

არნე სლოტის გუნდმა 2024 წელი ფანტასტიკური შედეგით დაასრულა და 18 მატჩის შემდეგ 45 ქულით ახალ წელს სატურნირო ცხრილის სათავეში ხვდება. ამ მომენტისთვის მეორეადგილოსან ნოტინგემთან სხვაობა 8 ქულაა.

მოჰამედ სალაჰი კი 17 გოლითა და 13 საგოლე გადაცემით ბომბარდირთა დავას დამაჯერებლად ლიდერობს.