"ლუის დიასი გასაძევებელი არ იყო", - ტონი კროოსი

ტონი კროოსის აზრით, პსჟ-სთან მატჩში ბაიერნის შემტევი ლუის დიასი გასაძევებელი არ იყო.

პირველი ტაიმის მიწურულს მსაჯმა დუბლის ავტორი მოედნიდან აშრაფ ჰაკიმიზე უხეში ვარდნისთვის გააძევა, რომლის გამოც მაროკოელმა ტრავმა მიიღო და თამაში ვეღარ გააგრძელა.

„ჩემთვის ყველაფერი ნათელია: საწითლე მომენტი არ ყოფილა. მსაჯმა ჰაკიმის ტრავმის გამო ამ ეპიზოდზე დიდი ყურადღება გაამახვილა. უხეში ორთაბრძოლა ვნახე და არა უხეში ჯარიმა.

ამ ვარდნის შემდეგ ჰაკიმი რომ ფეხზე წამომდგარიყო, ეპიზოდს არავინ გადახედავდა. მსგავს სიტუაციებში თვითონ ქმედება უნდა შეფასდეს და არა მისი შედეგი." - აღნიშნა რეალის ექს-ნახევარმცველმა თავის პოდკასტში.

ბაიერნმა მთელი მეორე ტაიმი 10 კაცით ითამაშა, თუმცა უპირატესობის შენარჩუნება მაინც შეძლო და 2:1 მოიგო.