ფრენკი დე იონგის თქმით, ბარსელონა უკეთ უნდა თამაშობდეს.
ნიდერლანდელმა ნახევარმცველმა ბრიუგესთან ფრედ (3:3) დასრულებული შეხვედრა შეაფასა.
„ეს მატჩი უნდა მოგვეგო. ცალსახაა, რომ ბევრად კარგად უნდა ვთამაშობდეთ. არის რაღაცები, რაც გამოსასწორებელი გვაქვს. ვმუშაობთ ამაზე, მაგრამ მოედანზე ხშირად ვერ გადმოგვაქვს.
წინა სეზონი უნდა დავივიწყოთ და უკან მოვიტოვოთ. ევროპის საუკეთესო გუნდი არ ვყოფილვართ. ეს არ არის ის, რაზეც ღირს ჩაციკლვა - აშკარად მოსამატებელი გვაქვს.
ჩემპიონთა ლიგა ვერ მოვიგეთ და ძალიან ბევრი გოლი გავუშვით. ამიტომ, განვითარებაა საჭირო." - აღნიშნა დე იონგმა.
