პარი სენ-ჟერმენმა ფერან ტორესის დამატებაზე აქტიური მუშაობა დაიწყო მას შემდეგ, რაც იან დიომანდეს ხელში ჩაგდებისთვის გამართულ ბრძოლაში მადრიდის რეალთან დამარცხდა.
გამოცემა SPORT-ის ცნობით, პარიზული კლუბი შემტევი ხაზის გასაძლიერებლად სწორედ ესპანელ ფორვარდსა და მონაკოს ვინგერ მაგნეს აკლიუშს მიიჩნევს მთავარ პრიორიტეტებად, თანაც აკლიუშთან შეთანხმებას ფრანგებმა უკვე მიაღწიეს.
დიომანდეს ტრანსფერის წაგებამ პსჟ აიძულა, სატრანსფერო ბაზარზე მოქმედება სასწრაფოდ დაეჩქარებინა. მიუხედავად იმისა, რომ პარიზელებს ფეხბურთელთან წინასწარი შეთანხმება ჰქონდათ, ლაიფციგთან ფინანსურ დეტალებზე შეყოვნებით რეალმა ისარგებლა და ტრანსფერი სწრაფად დაასრულა.
ამის ფონზე, მთავარმა მწვრთნელმა ლუის ენრიკემ ყურადღება მთლიანად ფერან ტორესზე გადაიტანა, რომელსაც შეტევის ლიდერად განიხილავს. თავად ფეხბურთელიც ღიაა ახალი გამოწვევისთვის და მზადაა განხილვისთვის.
პსჟ მზადაა ფერანს 4-წლიანი კონტრაქტი და ბარსელონასთან შედარებით ბევრად მაღალი ხელფასი შესთავაზოს, მიუხედავად იმისა, რომ კატალონიურ კლუბს მისი შენარჩუნება ურჩევნია.
