ლუის ენრიკე: "თუ ამდენხნიანი ლოდინის შემდეგ რომელიმე გუნდი იმსახურებს ლიგას, ეს პარი სენ-ჟერმენია"

ლუის ენრიკემ ჩემპიონთა ლიგის ფინალში გასვლა შეაფასა.

„პირველ რიგში, ჩვენს მიერ გავლილი გზით და გულშემატკივართან კავშირით ძალიან ვამაყობთ. ეს არის რაღაც განსაკუთრებული და ჩემთვის ძალიან მნიშვნელოვანია.

ეს პსჟ-სთვის პირველი ჩემპიონთა ლიგის ფინალი იქნება გულშემატკივრებთან ერთად, მათ გარეშე ფინალი სრულყოფილი ვერ იყო. თუ ამდენხნიანი ლოდინისა და წვალების შემდეგ, რომელიმე გუნდი იმსახურებს ჩემპიონთა ლიგის მოგებას, ეს სწორედ პარი სენ-ჟერმენია. ვიცი, რომ ეს კლუბი ჩემი დაბადების წელს არის დაარსებული.

იმედი ვიქონიოთ, ჩემი ეს კავშირი კლუბთან დადასტურდება და ჩემპიონთა ლიგის მოგებას შევძლებთ. ეს გუნდი და ეს გულშემატკივრები ამას იმსახურებენ. ფინალში თამაშის შანსი ნამდვილად დავიმსახურეთ." - აღნიშნა ესპანელმა სპეციალისტმა.