არტეტა: "ჰაკიმი პირველი თამაშის ბოლოს გასაგდები იყო და მეორე თამაშში არც უნდა ეთამაშა"

მიკელ არტეტას აზრით, აშრაფ ჰაკიმი ჩემპიონთა ლიგის ნახევარფინალური დაპირისპირების პირველ მატჩში გაძევებას იმსახურებდა.

არსენალი პსჟ-სთან ორი მატჩის ჯამში 1:3 დამარცხდა და ტურნირს დაემშვიდობა.

ლონდონში გამართული პირველი 1/2 ფინალური მატჩის 87-ე წუთზე აშრაფ ჰაკიმიმ, რომელსაც იმ წუთისთვის უკვე გაფრთხილება ჰქონდა მიღებული, საჯარიმოს სიახლოვეში გაბრიელ მარტინელი წააქცია, თუმცა მსაჯმა მას მეორე ყვითელი არ უჩვენა.

მე-2 მატჩის 72-ე წუთზე ჰაკიმიმ გოლიც გაიტანა და მატჩის საუკეთესო ფეხბურთელადაც დასახელდა.

„ჩვენს წინააღმდეგ ჰაკიმიმ ითამაშა, რომელიც პირველი მატჩის მიწურულს გასაძევებელი იყო და შესაბამისად, მეორე თამაშში მონაწილეობა არც უნდა მიეღო.

ფეხბურთში უამრავი შემთხვევითობა ხდება." - აღნიშნა არტეტამ.