პარი სენ-ჟერმენის შემტევმა ხაზმა კიდევ ერთი სერიოზული დარტყმა მიიღო.
ლიგა 1-ის მე-11 ტურში, სადაც პარიზელებმა ნიცა სტუმრად დაძაბულ ბრძოლაში 3:2 დაამარცხეს, დეზირე დუემ ჯერ 32-ე წუთზე გაიტანა და გუნდი დააწინაურა, ტაიმის მიწურულს კი დაშავდა. მოგვიანებით დადასტურდა, რომ ტრავმა ძალიან მძიმეა, ფრანგმა ვარსკვლავმა მარჯვენა მუხლის წინა ჯვარედინი იოგი გაიწყვიტა.
ამ სამწუხარო ფაქტს სოციალურ ქსელში ხვიჩა კვარაცხელია გამოეხმაურა. ქართველმა შემტევმა, რომელიც თავადაც მუხლის ტრავმას იშუშებს, თანაგუნდელს სრული მხარდაჭერა გამოუცხადა და ინსტაგრამის სთორიში ემოციური ტექსტი მიუძღვნა:
მაგრად იყავი, ძმაო. ამასაც გადავიტანთ და მალე ისევ ერთად დავბრუნდებით მინდორზე - ღიმილით და იმის კეთებით, რაც ყველაზე მეტად გვიყვარს. ყველანი შენ გვერდით ვართ
დუეს სარეაბილიტაციოდ საკმაოდ დიდი დრო დასჭირდება. ეს ფაქტი ლუის ენრიკესთვის, ხვიჩა კვარაცხელიას არყოფნის ფონზე, შეტევის ხაზში კიდევ უფრო დიდ პრობლემებს ქმნის.
კვარაცხელიას შემდეგ ენრიკეს კიდევ ერთი მოთამაშე გამოაკლდა