პარი სენ-ჟერმენის დაცვის ხაზი მიმდინარე სეზონში უცნაურ პარადოქსს ქმნის. ლიგა 1-ის საწყის 11 ტურში ლუის ენრიკეს გუნდმა უკვე 11 გოლი გაუშვა.
გამოცემა Stats Foot-ის მონაცემებით, ეს ისეთი ნეგატიური მაჩვენებელია, რომელიც პარიზულ გრანდს 2009-2010 წლების სეზონის (მაშინ იმავე პერიოდში 12 გოლი გაუშვეს) შემდეგ არ ჰქონია.
პრობლემებმა თავი სეზონის სტარტზევე იჩინა, როცა პსჟ-მ რენთან, ლილთან და მონაკოსთან პირველსავე სამ ტურში ჯამში 6 გოლი მიიღო. თუმცა, ამის შემდეგ ვითარება საგრძნობლად დასტაბილურდა - მომდევნო 7 მატჩში გუნდმა მხოლოდ 4-ჯერ მისცა მეტოქეებს თავის გამოჩენის საშუალება და ბრესტთან, ლიონსა თუ ტრუასთან კარი მშრალად შეინახა.
ყველაზე საინტერესო კი სტატისტიკური პარადოქსია: პარიზელები მეტოქეებს მატჩში საშუალოდ მხოლოდ 10.7-ჯერ (უშუალოდ კარში 4.2-ჯერ) დარტყმის უფლებას აძლევენ, რაც ლიგაში ერთ-ერთი ყველაზე დაბალი და საუკეთესო მაჩვენებელია. მიუხედავად ამისა, გადამწყვეტ მომენტებში არსებული სისუსტის გამო, ის მცირე მომენტებიც კი, რომლებსაც მოწინააღმდეგეები ქმნიან, ხშირად პარიზელთა კარში გოლით სრულდება.