მაიამის მასტერსის ფინალში ჯოკოვიჩის მეტოქე ცნობილია

მაიამის მასტერსის მეორე ნახევარფინალში ჩეხმა იაკუმ მენსიკმა ამერიკელი ტეილორ ფრიცი დაამარცხა.

შეხვედრა 2 საათსა და 27 წუთს გაგრძელდა და მენსიკის გამარჯვებით 7:6 (4) 4:6 7:6 (4) დასრულდა.

ამრიგად, მენსიკი ფინალში გავიდა, სადაც ნოვაკ ჯოკოვიჩს დაუპირისპირდება, რომელიც თავისი მე-100 კარიერული ტიტულის მოგებას შეეცდება.

მატჩი ხვალ, 30 მარტს, 22:00 საათზე გაიმართება.

ჯოკოვიჩსა და მენსიკს შორის აქამდე ერთადერთი მატჩი შედგა - 2024 წლის ოქტომბერში ისინი ერთმანეთს შანხაის მასტერსზე დაუპირისპირდნენ და გამარჯვება სერბს, მძიმე ბრძოლაში და 3 სეტში დარჩა.