მაკგრეგორმა სამომავლო გეგმებზე ისაუბრა

კონორ მაკგრეგორმა ოფიციალურად დაადასტურა, რომ UFC 329-ზე მიღებული მძიმე ტრავმის შემდეგ ოპერაციას გაიკეთებს.

ირლანდიელმა მებრძოლმა, რომელმაც მაქს ჰოლოუეისთან საპასუხო ორთაბრძოლა მუხლის დაზიანების გამო სულ რაღაც 69 წამში შეწყვიტა, სოციალურ ქსელში ემოციური განცხადება გაავრცელა.

მიუხედავად იმისა, რომ ბევრს ეჭვი ეპარება მის კარიერულ დაბრუნებაში, 37 წლის სპორტსმენი აცხადებს, რომ აპირებს რეაბილიტაციის გავლას, ვარჯიშის განახლებას და UFC-ისთან გაფორმებული კონტრაქტის ბოლო მატჩის ჩატარებას.

მაკგრეგორი თავის განცხადებაში აქცენტს რწმენასა და ოჯახურ ფასეულობებზე აკეთებს. მისი თქმით, ის არ აპირებს მოვლენების მსხვერპლად დარჩენას და ოპერაციის შემდეგ ოქტაგონზე კიდევ ერთხელ დაბრუნებას გეგმავს.

აღსანიშნავია, რომ მაქს ჰოლოუეიმ, რომელმაც აღნიშნული დაპირისპირება მოიგო, სურვილი გამოთქვა, რომ პაუზა აიღოს და დაელოდოს მაკგრეგორის გამოჯანმრთელებას, რათა მათ მეტოქეობა ტრილოგიით დაასრულონ.