მძიმე ტრავმა - იური ტაბატაძისთვის სეზონი დასრულდა

Geo Team-ის ინფორმაციით, იური ტაბატაძემ ჯვარედინი იოგი გაიწყვიტა და სეზონი ნაადრევად დაასრულა.

ქართველი ფეხბურთელის ოპერაცია მალე დაიგეგმება, მისი რეაბილიტაციის პერიოდი კი 6-დან 9 თვემდე გაგრძელდება.

ტაბატაძემ ტრავმა გასული ტურის მატჩში, ალბასეტესთან მიიღო. ქართველი თამაშში 61-ე წუთზე ჩაერთო და მოედნის დატოვება იძულებით 70-ე წუთზე მოუწია.

იური კადისს გასული წლის ზაფხულში იბერია 1999-დან შეუერთდა და ლა ლიგა 2-ის მიმდინარე სეზონში 18 მატჩში 6 გოლის გატანა შეძლო.