გიორგი მამარდაშვილი დამოუკიდებელი საქართველოს ისტორიაში მე-6 ქართველია, ვინც ჩემპიონთა ლიგის პლეი-ოფის მატჩში მიიღო მონაწილეობა.
ქართველი მეკარე, 1/8 ფინალის პირველ შეხვედრაში, გალათასარაისთან გასვლით თამაშში ლივერპულის კარს 90 წუთის განმავლობაში იცავდა, 3 სეივი შეასრულა და 1 გოლი გაუშვა. მისი გუნდი 0:1 დამარცხდა.
მამარდაშვილამდე, ევროპის მთავარი საკლუბო ტურნირის პლეი-ოფში კახა კალაძეს (1998-99; 2002-03; 2004-05; 2005-06; 2006-07; 2007-08), მალხაზ ასათიანს (2003-04), მიხეილ აშვეთიას (2003-04), ლევან კობიაშვილსა (2007-08) და ხვიჩა კვარაცხელიას (2022-23; 2023-24; 2024-25; 2025-26) უთამაშიათ.
კალაძე (მილანი) და კვარაცხელია (პსჟ) ტურნირის ჩემპიონები არიან (კვარაცხელიამ პლეი-ოფში ნაპოლისთან ერთადაც ითამაშა), ასათიანმა და აშვეთიამ (ორივე ლოკომოტივ მოსკოვი) 1/8 ფინალში ითამაშეს, ხოლო კობიაშვილმა (შალკე) - 1/4 ფინალში.
მამარდაშვილის ლივერპულს 18 მარტს ექნება შანსი, გალათასარაის 0:1 ენფილდზე დაუქაჩოს და 1/4 ფინალის საგზური მოიპოვოს.
