UFC-ის მსუბუქი წონის მებრძოლმა, ლოიკ რაჯაბოვმა, რომელიც ცნობილია როგორც ტაჯიკური ტანკი, საჯაროდ დაადასტურა, რომ UFC-ის ახალი კონტრაქტი უარყო.
32 წლის მებრძოლი ამერიკული ორგანიზაციის დატოვებას და კარიერის რუსულ ლიგებში, კერძოდ კი ACA-ში გაგრძელებას გეგმავს.
რაჯაბოვის თქმით, გადაწყვეტილება პრაქტიკული მოსაზრებებითაა განპირობებული. მებრძოლმა აღნიშნა, რომ რუსულ ლიგებში მას უფრო მეტი მხარდაჭერა ექნება თანამემამულეებისგან, რაც მისთვის ფსიქოლოგიურად და ორგანიზაციულად უფრო კომფორტულია, ვიდრე აშშ-ში ასპარეზობა. რაჯაბოვმა განაცხადა:
მათ მითხრეს, რომ მეჩხუბა სადმე, რათა დავბრუნებულიყავი, მაგრამ მე ეს უკვე აღარ მსურს.
ამ დროისთვის რაჯაბოვი ACA-სთან მოლაპარაკებებს აწარმოებს და იმედოვნებს, რომ ოქტომბერში ან ნოემბერში ტაჯიკეთში დაგეგმილ ტურნირზე იასპარეზებს. იმ შემთხვევაში, თუ ACA-სთან შეთანხმება ვერ შედგება, მებრძოლი განიხილავს ევროპული ორგანიზაციების შეთავაზებებსაც.
რაჯაბოვის UFC-ის კარიერა შერეული შედეგებით გამოირჩეოდა, სადაც მან 3 გამარჯვება და 2 მარცხი დააფიქსირა.
