მნიშვნელოვანი ტურნირი ვარსკვლავების გარეშე ჩაივლის

იანიკ სინერი მარჯვენა მუხლის ტრავმის გამო ცინცინატის მასტერსიდან მოიხსნა.

„ექიმებთან და ჩემს გუნდთან კონსულტაციის შემდეგ უნდა განვაცხადო, რომ ცინცინატის მასტერსის ტურნირიდან მოხსნა მიწევს,“ - თქვა სინერმა.

მარჯვენა მუხლი მაწუხებს და მიუხედავად იმისა, რომ ჩემს სამედიცინო გუნდთან ერთად ბევრს ვმუშაობდით, უნდა შევეგუო იმ ფაქტს, რომ ჯერ სათამაშოდ მზად არ ვარ.

ძალიან იმედგაცრუებული ვარ, რომ ცინცინატიში თამაშს ვერ შევძლებ. ბობსა და მის გუნდს შესანიშნავ და წარმატებულ ტურნირს ვუსურვებ. მოუთმენლად ველი მომავალ წელს აქ დაბრუნებას, ახლა კი მთელი ყურადღება US Open-ისთვის მომზადებაზე მაქვს გადატანილი.“

იტალიელმა ჩოგბურთელმა ბოლოს უიმბლდონზე იასპარეზა, სადაც ფინალში ალექსანდერ ზვერევი დაამარცხა და კარიერაში დიდი სლემის მე-5 ტიტული მოიპოვა.

სინერს ცინცინატიში 12 მოგება და 4 მარცხი აქვს. მისი საუკეთესო შედეგი 2024 წელს დაფიქსირდა, როდესაც ტურნირის ჩემპიონი გახდა.

სინერის მოხსნა კარლოს ალკარასის გადაწყვეტილებას მოჰყვა. ესპანელი კვლავ მაჯის ტრავმისგან გამოჯანმრთელების პროცესშია, რის გამოც აპრილის შემდეგ არ უთამაშია.

ცინცინატის მასტერსის ძირითადი ბადის შეხვედრები 13 აგვისტოს დაიწყება და 23 აგვისტომდე გაგრძელდება. ტურნირზე მონაწილე ვარსკვლავებს შორის ალექსანდერ ზვერევი და ნოვაკ ჯოკოვიჩიც არიან.