კონორ ბრედლის მუხლზე ოპერაცია ჩაუტარდება.
ლივერპულის მცველმა პრემიერ ლიგის მატჩის ბოლოს არსენალთან (0:0) ბურთი მოიგერია, რის შემდეგაც გაზონზე დაეცა და თამაშის გაგრძელება ვერ შეძლო. ტრავმის გამო მან ემირეითსის სტადიონი ყავარჯნებითა და მუხლის ფიქსატორით დატოვა.
ლივერპულის ოფიციალური ვებგვერდის ინფორმაციით, ბრედლი ოპერაციას უახლოეს დღეებში გაიკეთებს, რის შემდეგაც რეაბილიტაციას AXA-ს საწვრთნელ ბაზაზე დაიწყებს. ამ ეტაპზე მისი დაბრუნების ზუსტი ვადები ჯერ არ არის განსაზღვრული.
The Sunday Times-ის ინფორმაციით, ფეხბურთელმა ჯვარედინი იოგების გაწყვეტა აიცილა, თუმცა სერიოზულად აქვს დაზიანებული იოგები და ძვალი. ის დიდხანს ვერ შეძლებს თამაშს და არის სანსი, რომ მოედანს სეზონის ბოლომდე ვეღარ დაუბრუნდეს.
ჩრდილოეთ ირლანდიის ნაკრების ფეხბურთელის მონაწილეობა 2026 წლის ზაფხულის მსოფლიო ჩემპიონატზე ამ ეტაპზე კითხვის ნიშნის ქვეშ დგას.
