ნაპოლის დირექტორი: "ოსიმენის შემთხვევაში იდეალური გამოსავალი გამოვნახეთ"

ნაპოლის დირექტორმა, ჯოვანი მანამ, ვიქტორ ოსიმენის გალათასარაიში იჯარით გადასვლაზე ისაუბრა.

„ოსიმენის გალათასარაიში ტრანსფერი მაშინვე დაიწყო, როგორც კი იტალიაში სატრანსფერო ფანჯარა დაიხურა.

საბოლოოდ, ეს ყველასთვის იდეალური გამოსავალი გამოვიდა, მიუხედავად იმისა, რომ თავდაპირველად ვიქტორის გაყიდვა გვინდოდა და იჯარაზე უარს ვამბობდით." - აღნიშნა მანამ.

ნიგერიელი ფორვარდი თურქულ კლუბს ერთწლიანი იჯარით, გამოსყიდვის უფლების გარეშე შეუერთდა და ახალ გუნდში პირველი გოლის გატანაც მოასწრო.