მანჩესტერ სიტიმ ინგლისის ნაკრების ნახევარმცველის, ელიოტ ანდერსონის ტრანსფერი ოფიციალურად დაადასტურა.
23 წლის ფეხბურთელმა ქალაქელებთან 5-წლიანი კონტრაქტი გააფორმა.
ანდერსონმა, რომელმაც გასულ სეზონში პრემიერ ლიგაში ყველაზე მეტი - 3,300 შეხება და ნახევარმცველებს შორის ყველაზე მეტი - 2,080 ზუსტი გადაცემა შეასრულა, კლუბის ოფიციალურ ვებგვერდთან პირველი კომენტარიც გააკეთა:
სიტი მსოფლიოს ერთ-ერთი უდიდესი კლუბია და მათ მიერ შექმნილი შემადგენლობა საოცარია. კლუბი ძლიერია ყველა პოზიციაზე. როგორც კი გავიგე, რომ ჩემი დამატება სურდათ, აბსოლუტურად დარწმუნებული ვიყავი, რომ ეს ტრანსფერი უნდა შემდგარიყო.
მანჩესტერ სიტის სპორტულმა დირექტორმა, უგო ვიანამ ახალწვეული შეაქო და აღნიშნა, რომ ანდერსონი მსოფლიო ფეხბურთის ერთ-ერთი ყველაზე გამორჩეული ახალგაზრდა ნახევარმცველია, რომელიც გუნდს ენერგიას, მაღალ სამუშაო კოეფიციენტს და პასების შესანიშნავ დიაპაზონს შესძენს.
