ოფიციალურად: რეალი და გარსია კონტრაქტის გახანგრძლივებაზე შეთანხმდნენ

მადრიდის რეალის ოფიციალური გვერდის განცხადებით, კლუბი და გონსალო გარსია კონტრაქტის გახანგრძლივებაზე შეთანხმდნენ.

მოთამაშე სამეფო კლუბთან ახალ ხელშეკრულებას 2030 წლის 30 ივნისამდე გააფორმებს.

გონსალო გარსია რეალს 2014 წელს 10 წლის ასაკში შეუერთდა კლუბის ახალგაზრდული სისტემის წევრი 10 სეზონის განმავლობაში იყო, ბოლო 2 წელი კი კასტილიაში გაატარა.

მისი დებიუტი პირველ გუნდში 2023 წლის ნოემბერში შედგა, ცოტა ხნის წინ კი მსოფლიო საკლუბო ჩემპიონატის ბომბარდირი გახდა.

გასულ სეზონში, გონსალომ კასტილიას შემადგენლობაში 25 გოლი გაიტანა და ჩემპიონატის ბომბარდირი გახდა. მან ამ შედეგით კასტილიაში 21-ე საუკუნეში საუკეთესო შედეგი დააფიქსირა.

გარსია რეალის შემადგენლობაში 16-ნომრიან მაისურს მოირგებს, მადრიდელთა ახალი ცხრიანი კი ენდრიკი იქნება.