"პატარა ბავშვს ჰგავდა", - გარი ნევილმა ვირცი გააკრიტიკა

გარი ნევილმა ლივერპულის ნახევარმცველი ფლორიან ვირცი გააკრიტიკა.

პრემიერ ლიგის მე-11 ტურში ლივერპული ვირცთან ერთად სიტისთან 0:3 განადგურდა.

„ვირცი თავადვე არის პრობლემა. მოდით, ყველაფერს თავისი სახელი დავარქვათ. ის პრობლემაა - კლუბმა მასში 100-ზე მეტი მილიონი ფუნტი გადაიხადა და სიმართლე გითხრათ, რაც რამდენიმე კვირის წინ კერკეზზე ვთქვი, რომ ის პატარა ბავშვივით გამოიყურება, ახლა მომეჩვენა, რომ ვირციც ბავშვივით არის მოედანზე. ასე არ შეიძლება.

რამდენიმე თვე მის გარშემო ფეხის წვერებზე დავდიოდით, ვითვალისწინებდით, რომ ის ახალგაზრდაა და თავისთვის უცხო ქვეყანაში გადმოვიდა, მაგრამ ის 100-ზე მეტი მილიონი ფუნტი დაჯდა და მალე მოუწევს საკუთარი თავის გამოჩენა. აშკარაა, რომ მასში საუცხოო თვისებები აქვს, ფანტასტიკურად ტექნიკურია, თუმცა მათეუს ნუნიესმა და სიტის სხვა ფეხბურთელებმა ის უბრალოდ შუაზე გახლიჩეს. მოედანზე ბავშვივით არბენინებდნენ და მან ვერ მოახერხა საჭირო თვისებების გმაოვლენა, ასე რომ მისმა თამაშმა დიდი კითხვები გამოიწვია.

ის გერმანიის ნაკრების კარგი რეპუტაციის მქონე ფეხბურთელია, მაგრამ სულაც არ გამოიყურება ისე, როგორც მისგან პრემიერ ლიგის უმაღლესი დონე მოითხოვს." - აღნიშნა მანსჩესტერის ექს-ფეხბურთელმა.