ბარსელონას ყოფილმა მცველმა, ჟერარ პიკემ სოციალურ ქსელში რეალის გულშემატკივარს უპასუხა.
TikTok-ის მომხმარებელმა დაწერა: „ბარსელონას მოგების მხოლოდ ერთი გზა აქვს და ეს გზა ყველამ ვიცით“.
„დიახ, ბარსელონას მოგების მხოლოდ ერთი გზა აქვს - კარგი ფეხბურთის თამაში. სწორედ ამით ვართ ცნობილები. ჩვენ მოვიგეთ ბევრი ჩემპიონატი, ბევრი ჩემპიონთა ლიგა და ბევრი ტრებლი ძალიან კარგი ფეხბურთის თამაშით.
მსაჯების თემა თქვენ წამოწიეთ. თუ გინდათ, შეგახსენებთ ჩემპიონთა ლიგის ფინალს იუვენტუსის წინააღმდეგ: მიატოვიჩის გოლი, რომელიც წესების დარღვევით გაიტანეს.
ან ატლეტიკოს წინააღმდეგ ორი ფინალიდან ერთ-ერთი: სერხიო რამოსის გოლი - იქ თამაშგარე მდგომარეობა იყო, ასე რომ ისიც წესების დარღვევით გაიტანეს.
ასე რომ, მსაჯების შეცდომები ბევრია, მაგრამ ისტორიულად რეალის სასარგებლოდ მაინც ცოტათი მეტი იყო.
სხვა მხრივ, იმედი მაქვს, კარგად ხარ. მაგრად გეხვევი და კარგი დღის გატარებას გისურვებ“, - განაცხადა პიკემ.
