კარლ-ჰაინც რუმენიგემ Sky Sports-თან ჯამალ მუსიალაზე ისაუბრა.
ბაიერნის ხელმძღვანელობის ნაწილი, მათ შორის ული ჰიონესი, იან-კრისტიან დრეზენი და თავად რუმენიგე, ჯამალ მუსიალას გაყიდვას აღარ გამორიცხავს.
„ის, რაც ულიმ და იან-კრისტიანმა თქვეს, სრულიად მისაღებია. მუსიალას ჯანმრთელობასთან დაკავშირებული პრობლემა აქვს. ასევე, ყველასთვის ცნობილია, რომ მას კლუბთან კონტრაქტი აკავშირებს, რომელიც ძალიან დიდ ფინანსურ ვალდებულებებს ითვალისწინებს.
როგორც კლუბმა, უნდა განვიხილოთ, როგორ მოვიქცეთ ამ სიტუაციაში. ვფიქრობ, ეს პასუხისმგებლობიანი და სრულიად ნორმალური მიდგომაა.
ვვარაუდობთ, რომ მისთვის ძველ დონეზე დაბრუნება რთული იქნება. მის წარმომადგენლებთან მოლაპარაკება გვჭირდება. გადაწყვეტილება უნდა მივიღოთ.
ვერ წარმომიდგენია, რომ ამ გარემოებებში რომელიმე სხვა კლუბმა მისი შეძენა მოისურვოს. ფინანსურ შედეგებზეც უნდა ვიფიქროთ.
ულის ფორმულირება სწორი იყო, ძალიან სერიოზული და სამართლიანი. ჩვენი სურვილია, მუსიალა დაბრუნდეს და კვლავ მაღალ დონეზე ითამაშოს. თუ ეს არ მოხდება, მაშინ შექმნილი ვითარების გადახედვა მოგვიწევს“. - განაცხადა რუმენიგემ.
შეგახსენებთ, რომ 23 წლის გერმანელი ფეხბურთელი წინასასეზონო მომზადების პერიოდში 4 დღეში 2-ჯერ შეუძლოდ გახდა და გონება დაკარგა. მოგვიანებით გაირკვა, რომ მას ნევროლოგიური დისფუნქცია დაუდგინდა, რომელიც მკურნალობას ექვემდებარება.
დაბრუნდება მუსიალა ძველ ფორმაში? - ჰიონესისა და მათეუსის კომენტარები