ესპანეთის საფეხბურთო ჩემპიონატმა 2025-2026 წლების სეზონის გამორჩეული ნომინანტები გამოავლინა.
ლამინ იამალი, ჰანსი ფლიკი, კარლოს ესპი, ჟოან გარსია და არდა გიულერი კუთვნილ ჯილდოებს 28 დეკემბერს, არაბთა გაერთიანებულ საამიროებში, Globe Soccer-ის რიგით მე-17 ცერემონიაზე მიიღებენ.
გასულ სეზონში მოპოვებული ჩემპიონობის შემდეგ, ბარსელონამ ინდივიდუალური პრიზების დიდი ნაწილიც დაისაკუთრა. ლამინ იამალი, რომელმაც კატალონიელთა ტრიუმფში 16 გოლითა და 12 ასისტით გადამწყვეტი როლი ითამაშა, ლა ლიგის საუკეთესო მოთამაშედ დასახელდა. საუკეთესო მწვრთნელის სტატუსი კი ჰანსი ფლიკმა მოიპოვა, რომელმაც გუნდს ზედიზედ მეორე ტიტული მოაგებინა და სეზონი 94 ქულით დაასრულა.
კვარაცხელია Globe Soccer Awards-ის ორ ნომინაციაში - მიეცით ხმა ქართველ ფეხბურთელს
ლა ლიგის საუკეთესო 23-წლამდელ ფეხბურთელად ლევანტეს 20 წლის თავდამსხმელი, კარლოს ესპი აღიარეს. მისმა 11-მა გატანილმა გოლმა გუნდს ელიტაში ადგილი შეუნარჩუნა. სეზონის საუკეთესო სეივის ავტორი ჟოან გარსია გახდა, რომელმაც ესპანიოლთან დერბიში ბრწყინვალე რეაქციით ხმების უმრავლესობა მიიღო და იან ობლაკსა და უნაი სიმონს აჯობა.
სეზონის საუკეთესოთა შორის საპატიო ადგილი დაიკავა მადრიდის რეალის თურქმა ტალანტმა, არდა გიულერმაც.