პროფესიონალურ კრივში ლაშა გურულის სადებიუტო ბრძოლა ჩაინიშნა

გასული წლის ბოლოს ლაშა გურულმა პროფესიონალური კრივის კონტრაქტი გააფორმა, ახლა კი ცნობილი ხდება, რომ ის სულ მალე სადებიუტო ბრძოლას გამართავს.

ქართველის მეტოქე განელი ბერნარდ აბეი იქნება, რომელსაც პროფესიონალურ კარიერაში 5-დან 5 ბრძოლა აქვს მოგებული.

დაპირისპირება 15 მარტს რუსთავის სპორტის სასახლეში გაიმართება. შეგახსენებთ, რომ ლაშა გურული პარიზის 2024 წლის ოლიმპიადის ბრინჯაოს პრიზიორია.

"პროფესიონალური დებიუტი ჩემს ქალაქში" - წერს 28 წლის ქართველი სპორტსმენი სოციალურ ქსელში.