პსჟ-მ ლიგაზე მოუგებელი სერია განადგურებით დაასრულა

ზედიზედ 4 მოუგებელი მატჩის შემდეგ, პსჟ-მ ჩემპიონთა ლიგაზე გამარჯვება მოიპოვა.

ლუის ენრიკეს გუნდმა სტუმრად ზალცბურგი 3:0 გაანადგურა.

გოლები გონსალო რამოშმა, ნუნო მენდეშმა და დეზირე დუემ გაიტანეს და ლიგაზე პსჟ-ს წარუმატებელ სერიას წერტილი დაუსვეს.

პარიზელებმა 6 მატჩში 7 ქულა დააგროვეს და მინიმუმ ტურის ბოლომდე პლეი-ოფში გამყვან 24-ე პოზიციას იკავებენ, ზალცბურგი კი 3 ქულით 32-ე ადგილზეა.