ევროტურნირებზე მეორე საკვალიფიკაციო ეტაპზე გასვლის შემთხვევაში ქართული გუნდების სავარაუდო მეტოქეები გაირკვა.
უეფას ჩემპიონთა ლიგის I საკვალიფიკაციო ეტაპზე ტალინის ფლორას ბარიერის დაძლევის შემთხვევაში, იბერია 1999-ის მეტოქე ბრატისლავას სლოვანი იქნება.
კონფერენს ლიგის პირველ საკვალიფიკაციო ეტაპზე აზერბაიჯანული ზირას დამარცხების შემთხვევაში, ქუთაისის ტორპედო ჰეგელმანსა (ლიეტუვა) და პაიდეს (ესტონეთი) შორის გამარჯვებულს დაუპირისპირდება.
კონფერენს ლიგის მეორე ეტაპზე თბილისის დინამოსა და ლუქსემბურგულ მონდორფ ლე ბენს შორის გამარჯვებული პეტროვაცი (მონტენეგრო) - ჟალგირისის (ლიეტუვა) გამარჯვებულს შეხვდება.
გორის დილას მეტოქე კი თუ სან მარინოს ვირტუსს მოუგებს, მომდევნო ეტაპზე კვიპროსული აპოლონ ლიმასოლი იქნება.
ჩემპიონთა ლიგის პირველი საკვალიფიკაციო ეტაპის მატჩები 7-8 და 14-15 ივლისს გაიმართება, კონფერენს ლიგის კი - 9 და 16 ივლისს.
