ქოჩორაშვილი განაცხადშია - რა ნომრით ითამაშებს ქართველი სევილიაში?

უკვე ოფიციალურად, გიორგი ქოჩორაშვილი სევილიას ფეხბურთელია.

ლა ლიგის მე-2 ტურში ანდალუსიური გუნდი ბილბაოს ესტუმრება, სადაც ატლეტიკს დაუპირისპირდება. სევილიამ მატჩის განაცხადი გამოაქვეყნა, სადაც უკვე ვხედავთ ქართველ ნახევარმცველსაც.

განაცხადიდან ასევე ვიგებთ, რომ გიორგი ქოჩორაშვილი ანდალუსიურ გუნდში 8-ნომრიანი მაისურით ითამაშებს.

ანდალუსიური გუნდის მთავარმა მწვრთნელმა, ლუის გარსია პლასამ, ქართველი ფეხბურთელის შესახებ კომენტარი გააკეთა:

ქოჩო გუნდთან ერთად გაემგზავრება და მატჩს სათადარიგოთა სკამზე დაიწყებს. წესით, თამაშში მონაწილეობას არ მიიღებს... თუმცა, არასდროს იცი, რა მოხდება.

ბილბაოს ატლეტიკისა და სევილიას მატჩი 22 აგვისტოს, 19:00 საათზე დაიწყება.

ოფიციალურად: სევილიამ ქოჩორაშვილის ტრანსფერი დაადასტურა