MMA-ის ლეგენდამ, ჟორჟ სენ-პიერმა ისლამ მახაჩევის მომავალზე ისაუბრა და განმარტა, თუ რა ნაბიჯებია საჭირო იმისთვის, რომ რუსმა მებრძოლმა ყველა დროის საუკეთესო მებრძოლის სტატუსი დაიმკვიდროს.
15 აგვისტოს, UFC 330-ის მთავარ მოვლენაში, მახაჩევი იან მაჩადო გარის წინააღმდეგ თავისი უელტერვეიტის ქამრის დაცვას შეეცდება.
სენ-პიერის აზრით, ისლამს უნიკალური უნარები გააჩნია, განსაკუთრებით გრეპლინგში, რაც მას სხვა ჩემპიონებისგან გამოარჩევს. ლეგენდარული GSP მიიჩნევს, რომ თუ მახაჩევი მომავალში მიდლვეიტის დივიზიონშიც გადავა და სამი სხვადასხვა წონითი კატეგორიის ჩემპიონი გახდება, ის კონკურენციის გარეშე დაიკავებს GOAT-ის ტახტს.
ალექს პერეირას მცდელობა, დაეპყრო მესამე დივიზიონი, უშედეგოდ დასრულდა, რაც მახაჩევის წინაშე მდგარ გამოწვევას კიდევ უფრო მასშტაბურს ხდის.
ჯერჯერობით მახაჩევი უელტერვეიტის ტიტულის დაცვაზეა ფოკუსირებული და სენ-პიერის რჩევებს ყურადღებით ისმენს, რადგან თავად სენ-პიერი სწორედ ამ წონით კატეგორიაში ითვლება საუკეთესოდ ისტორიაში.
