რეალი მზადაა ჩუამენის თაობაზე შემოთავაზებები მოისმინოს

მადრიდის რეალისთვის ორელიან ჩუამენი ხელშეუხებელი აღარ არის.

Relevo-ს ინფორმაციით, მადრიდული კლუბი მზადაა ფეხბურთელის თაობაზე შემოთავაზებები მოისმინოს.

კლუბში ფრანგის საყრდენის პოზიციაზე თამაშით უკმაყოფილონი არიან და ფიქრობენ, რომ ედუარდო კამავინგა დაკისრებულ მოვალეობას გაცილებით უკეთ უმკლავდება.

ხელმძღვანელობას არ ეთანხმება კარლო ანჩელოტი, რომლისთვისაც ჩუამენი საკვანძო ფიგურაა, თუმცა კლუბში მონაკოს ექს-ფეხბურთელის ასპარეზობით უკმაყოფილება უფრო და უფრო იზრდება და არ არის გამორიცხული, ჩუამენი რეალში ბოლო სეზონს ატარებდეს.