რეალი უზბეკეთის ნაკრების მცველით ინტერესდება

მადრიდის რეალი უზბეკეთის ნაკრების ფეხბურთელით ინტერესდება.

Foot Mercato-ს ინფორმაციით, მადრიდელები ფრანგული ლანსის მცველის, აბდუკოდირ ხუსანოვის მიმართ იჩენენ ინტერესს.

20 წლის ფეხბურთელით მან სიტიც ინტერესდება. წინა კვირას ფეხბურთელისა და ინგლისური კლუბის წარმომადგენლებს შორის შეხვედრა გაიმართა, სადაც პოტენციური ტრანსფერი იქნა განხილული.

რეალის და სიტის გარდა, ხუსანოვით ლევერკუზენი, ნაპოლი, ბორუსია დორტმუნდი და ნიუკასლიც ინტერესდებიან.

ზემოთხსენებული წყაროს ცნობით, ლანსს ფეხბურთელის სანაცვლოდ 25 მილიონი ევროს მიღება სურს.