რეალის ქალთა გუნდმა ისტორიაში პირველი ელ კლასიკო მოიგო

მადრიდის რეალის ქალთა გუნდმა ისტორიაში პირველად მოიგო ელ კლასიკო.

ფლორენტინო პერესმა ქალთა გუნდი 2020 წლის ივლისში დააარსა და მას შემდეგ გუნდებს შორის 18 გამართული მატჩიდან 18-ვე ბარსელონამ მოიგო.

ამ 18 შეხვედრაში ბარსელონამ 66 გოლის გატანა შეძლო, რეალმა კი მხოლოდ შვიდის.

თუმცა, ეს ტენდენცია დღეს დასრულდა - მადრიდელებმა გასვლაზე ისტორიაში პირველი ელ კლასიკო 3:1 მოიგეს.

23 ტურის შემდეგ რეალი 59 ქულით მე-2 ადგილზეა და ბარსელონასთან სხვაობა ამ გამარჯვების შედეგად 7-დან 4 ქულამდე შეამცირა.