კონორ მაკგრეგორის მუხლის ოპერაციამ წარმატებით ჩაიარა და მებრძოლმა კიდევ ერთი სერიოზული ტრავმის შემდეგ აღდგენითი პროცესი დაიწყო.
UFC-ის ყოფილმა ორმაგი წონითი კატეგორიის ჩემპიონმა, რომელმაც UFC 329-ზე, მაქს ჰოლოუეისთან ბრძოლისას, წინა ჯვარედინი იოგი გაიწყვიტა, განაცხადა, რომ მისი მენტალიტეტი "შეუჩერებელი და შეუდრეკელია".
მაკგრეგორი შთაგონებას ლეგენდარული სპორტსმენების ქამბექებიდან იღებს. მან აღდგენის პროცესში მოტივაციად ლეგენდარული სპორტსმენები დაასახელა და კონკრეტული მაგალითებიც მოიყვანა:
მინდა მადლობა გადავუხადო დომინიკ კრუზს, რომელმაც მუხლის მრავალი ტრავმის შემდეგ ბანტამტონითის გვირგვინი დაიბრუნა. ჟორჟ სენ-პიერი... მუხლის რამდენიმე ტრავმა ჰქონდა და მაინც ბექფლიპებს აკეთებს, იგი კვლავ ბრწყინვალედ მოძრაობს. სხვა სპორტის სახეობებიდან – NFL-ში ტომ ბრედიმაც იგივე გააკეთა.
მიუხედავად იმისა, რომ მისი მიმდინარე კონტრაქტის ბოლო ბრძოლა თავდაპირველად 2027 წლის აპრილისთვის იგეგმებოდა, მაკგრეგორი ოქტაგონზე დაბრუნებას მომავალი წლის International Fight Week-ისთვის გეგმავს და კვლავ ჰოლოუეისთან რევანშის სურვილი აქვს.
