UFC 331-ზე დაგეგმილი არმან ცარუკიანისა და ჩარლზ ოლივეირას ნანატრი რემატჩი გაუქმდა.
ორგანიზაციამ ოფიციალური განცხადების გავრცელებამდე 24 საათით ადრე გეგმები რადიკალურად შეცვალა და ცარუკიანის ახალ მეტოქედ მაურისიო რუფი დაასახელა.
როგორც ირკვევა, 4 აგვისტოს ბრაზილიელმა ვარსკვლავმა ბრძოლაში მონაწილეობაზე უარი თავად განაცხადა. ამის მიზეზი ოლივეირას ახლო მეგობრისა და UFC-ის მებრძოლის, ალან ნასიმენტოს ტრაგიკული გარდაცვალებაა. ამ მძიმე ფონზე ჩარლზს სპორტული დაპირისპირებისთვის ნამდვილად არ სცხელა, მის ნაცვლად კი შანსი სწორედ რუფიმ მიიღო, რომელიც ოქტაგონზე მოკლე დროში გამოსასვლელად სრულ მზადყოფნაში იყო.
