რონალდუ სანაკრებო კარიერას აგრძელებს? - პორტუგალიის ნაკრების განაცხადი

ჟორჟე ჟეზუშმა პორტუგალიის ნაკრების მთავარი მწვრთნელის რანგში პირველი შემადგენლობა დაასახელა.

სპეციალისტმა ერთა ლიგის დასაწყისში გასამართი 4 მატჩისთვის გამოძახებული 25 ფეხბურთელის სია გამოაქვეყნა.

შეგახსენებთ, რომ პორტუგალია ერთა ლიგის A4 ჯგუფში დანიასთან, ნორვეგიასთან და უელსთან ერთად ასპარეზობს.

პორტუგალიის ნაკრები ტურნირზე გამოსვლას 24 სექტემბერს უელსთან მატჩით დაიწყებს. შეხვედრა ლისაბონში გაიმართება. 27 სექტემბერს პორტუგალიელები სტუმრად ნორვეგიას დაუპირისპირდებიან.

ჯგუფური ეტაპის მესამე შეხვედრას პორტუგალია 1 ოქტომბერს კოპენჰაგენში, დანიის წინააღმდეგ გამართავს. ამ ეტაპის ბოლო შეხვედრაში კი ჟორჟე ჟეზუშის გუნდი 4 ოქტომბერს, „ესტადიო დუ დრაგაუზე“, ნორვეგიას უმასპინძლებს.

მეკარეები: დიოგუ კოშტა (პორტუ), რუი სილვა (სპორტინგი) და სამუელ სოარეში (ბენფიკა);

მცველები: გონსალუ ინასიუ (სპორტინგი), ჟოაუ კანსელუ (ბარსელონა), დიოგუ დალო (მანჩესტერ იუნაიტედი), ნუნუ ტავარეში (ლაციო), ნუნუ მენდეში (პსჟ), რენატუ ვეიგა (ვილიარეალი), რუბენ დიაში (მანჩესტერ სიტი) და ტომაშ არაუჟუ (ბენფიკა);

ნახევარმცველები: ბრუნო ფერნანდეში (მანჩესტერ იუნაიტედი), ჟოაუ პალინია (ბენფიკა), ჟოაუ ნევეში (პსჟ), რუბენ ნევეში (ალ-ჰილალი), ვიტინია (პსჟ) და ბერნარდუ სილვა (რეალი);

თავდამსხმელები: კრიშტიანუ რონალდუ (ალ-ნასრი), ფაბიუ სილვა (დორტმუნდის ბორუსია), ფრანსიშკუ ტრინკაუ (ალ-აჰლი), ფრანსიშკუ კონსეისაუ (იუვენტუსი), გონსალუ რამუში (მილანი), ჟოაუ ფელიქსი (ალ-ნასრი), პედრუ ნეტუ (ჩელსი) და რაფაელ ლეაუ (გალათასარაი).

აღსანიშნავია, რომ პორტუგალიელთა განაცხადში კვლავ ვხედავთ 41 წლის კრიშტიანუ რონალდუს, რომელიც სანაკრებო კარიერას აგრძელებს.